Ղեկավարվելով ՀՀ «Տեղական ինքնակառավարման մասին» օրենքի 18-րդ հոդվածի 21-րդ կետով, ՀՀ կառավարության 12.04.2001 թ-ի թիվ 286-Ն որոշմամբ հաստատված կարգով, հաշվի առնելով համայնքի ղեկավարի ներկայացրած առաջարկությունը և, քանի որ 02.06.2020 թ-ին կայացած աճուրդում հաղթող ճանաչված անձը ՀՀ-ում համավարակի հետ կապված խնդիրների պատճառով բաց է թողել ՀՀ Հողային օրենսգրքի 70-րդ հոդվածով սահմանված ժամկետում պայմանագիր կնքելու հանգամանքը, Լերմոնտովո համայնքի ավագանին

ՈՐՈՇՈՒՄ Է՝

1.Տալ համաձայնություն Լերմոնտովո համայնքի հաշվեկշռում գտնվող 50-60% ավարվածության աստիճան ունեցող կիսաքանդ 575.47քմ հին Մշակույթի տան շենքը իր 2592.6քմ հողամասով՝ աճուրդ վաճառքով օտարելուն: Մեկնարկային գինը՝ 1628500 ՀՀ դրամ: Մասնակցության վճարը՝ 5000 ՀՀ դրամ: Նախավճարի չափը՝ մեկնարկային գնի 5%-ի չափով՝ 81475 ՀՀ դրամ: Քայլի չափը՝ մեկնարկային գնի 5%-ի չափով՝ 81475 ՀՀ դրամ:

2.Համայնքի ղեկավարին՝ ՀՀ օրենսդրությամբ սահմանված կարգով ապահովել աճուրդով օտարվող հողամասի հայտարարության հրապարակման ծանուցումը: